*भारतीय संस्कृती आणि राष्ट्रवाद' या विषयावर सुप्रसिद्ध व्याख्याते पुष्पेंद्र कुलश्रेष्ठ यांचे जाहीर व्याख्यान*
> व्याख्यान ६ जुन रोजी सायंकाळी ६.०० वा. छत्रपती संभाजी सभागृहात होणार असुन सकल हिंदु समाजाला उपस्थितीचे आवाहन. ॲड. अनिकेत निकम हे देखील याप्रसंगी प्रमुख पाहुणे म्हणून उपस्थित राहणार आहेत.
आज संपूर्ण भारतातील हिंदू समाज श्री. पुष्पेंद्र कुलश्रेष्ठ यांच्या विचारांनी प्रभावित आहे. देशात हिंदू मध्ये जनजागृती घडवून भविष्यात आपली संस्कृती, प्राचीन धरोहर, सनातन धर्म आणि राष्ट्र सुरक्षित ठेवणे याकरिता त्यांनी आपले जीवन समर्पित केले आहे. सकल हिंदूंमध्ये हिंदुत्वाचे विचार रुजवणारे एक श्रेष्ठ मार्गदर्शक म्हणून त्यांची ओळख आहे. जळगावकरांना त्यांच्या या ओघवत्या आणि राष्ट्रप्रेमाने प्रेरित करणाऱ्या विचारांचा लाभ घेण्याची सुवर्णसंधी या व्याख्यानाच्या माध्यमातून मिळणार आहे.
व्याख्यानाचे आयोजन बहुभाषिक ब्राह्मण संघ जळगांव यांनी केले आहे.
*व्याख्यान सर्व हिंदूंसाठी खुला; पासेसची आवश्यकता नाही* आयोजकांनी दिलेल्या माहितीनुसार, या व्याख्यानासाठी कोणत्याही प्रकारच्या पासेस छापण्यात आलेल्या नाहीत. हे व्याख्यान संपूर्ण हिंदू समाज, माता-भगिनी आणि तरुणांसाठी पूर्णपणे खुले आहे. सभागृहातील पहिल्या तीन रांगा प्रायोजकांसाठी राखीव असतील, तर उर्वरित संपूर्ण सभागृह अनारक्षित आहे. त्यामुळे 'आधी येणाऱ्यास आधी प्राधान्य' (First Come, First Served) या तत्त्वावर नागरिकांना आसनव्यवस्था मिळणार आहे.
*आयोजक आणि प्रायोजक:*
'बहुभाषिक ब्राह्मण संघ, जळगाव' ही ज्ञाती संस्था असली तरी राष्ट्रीय विचार आणि हिंदुत्वाच्या प्रचार-प्रसारासाठी ती सदैव समर्पित राहून कार्य करते. या भव्य कार्यक्रमाचे प्रायोजकत्व ॲड. ओम त्रिवेदी, श्री श्री इन्फ्रास्ट्रक्चर प्रा.ली., आर्की. नितीन पारगावकर, संजय व्यास, नंदलाल अडवाणी आणि सपन झुनझुनवाला यांचे सहकार्य लाभत आहे.
*उपस्थित राहण्याचे आवाहन:*
या व्याख्यानातून जळगावकरांमध्ये एक नवी राष्ट्रीय ऊर्जा निर्माण होणार आहे. तरी जळगाव शहरातील व परिसरातील सकल हिंदू बांधव, माता-भगिनी आणि युवा पिढीने आपल्या कुटुंबासह व मित्रपरिवारासह या व्याख्यानाचा लाभ घ्यावा आणि मोठ्या संख्येने उपस्थित राहावे, असे आवाहन आयोजक *'बहुभाषिक ब्राह्मण संघ, जळगाव'* यांच्या वतीने करण्यात आले आहे.
➖
