जळगाव--येथिल जिल्हापेठ हद्दीत एक दुकानदार दुर्मीळ वनस्पती आणि प्राण्यांचे अवशेष विकत असल्याची गुप्त माहिती वन विभागाला मिळाली होती,या संदर्भात विभागाने संबंधित दुकानावर छापा टाकत कासव पाठ,नाग मणके,इंद्रजाल,घुबडनखे,समुद्री घोडा अवशेष,हातजोडी,रान मांजर नखे,इत्यादि अत्यन्त दुर्मिळ,महाग,आणि वन्य जीव कायदा 1972 परिशिष्ट 1 व 2 नुसार सदर वस्तू जमा करत,3 लोकांना अटक केली,डॉ.अजय कोगटा (53 वर्ष) दुकान मे.रामचंद्र मूलचंद कोगटा, चुणीलाल पवार,यांना अटक व 3 दिवसीय वनकोठडी तसेच लक्ष्मीकांत मणियार यांना अटक व 3 दिवसीय न्यायालयीन कोठडी मिळाली आहे.दुर्मिळ वनस्पती आणि प्राणी अवशेष लैंगिक शक्ती वाढविण्यासाठी तसेच गुप्तधन प्राप्त करण्यासाठी उपयुक्त असतात असा गैरसमज आहे,त्यामुळे संबंधित प्राण्यांची हत्या करून त्यांचे अवशेष महागडे विकली जातात.
या संदर्भात अधिक माहिती घेतली असता डॉ कोगटा हे जळगावातील प्रख्यात हाडांचे डॉक्टर असून सदर दुकान व्यवसाय हा त्यांना वारसा हक्काने मिळालेला असून,वडिलांचे निधन झाल्याने इतर व्यक्ती ते दुकान चालवत असते,डॉक्टरांचा थेट संबंध येत नाही मात्र सुख्या सोबत ओले ही जळते असा मतप्रवाह आहे.
No comments:
Post a Comment