आदित्य ठाकरेंचा दौरा आणि महागडे शौच..

नुकतंच आदित्य ठाकरे यांचा जळगाव जिल्हा दौरा संपन्न झाला,त्यावेळी जागोजागी गर्दी झाल्याचे चित्र दिसले.धरणगावात वर्दळी च्या मुख्य चौकात हजारो ची गर्दी झाली होती मात्र अंदाजे 2,3 तास थांबून असलेल्या कार्यकर्त्यांना तसेच काही लोकांना जोरात लागली होती.अशावेळी काहींनी जवळ असलेल्या धरणगाव बस स्टँड येथील (अ)सुलभ शौचालया ला 'अनिच्छेने' सदिच्छा भेट दिली असता,तब्बल 10 रु.प्रति शौच अशी महागडी हागणखडी पाहून अनेकांनी आपल्या 'वेदना दाबत' इतर पर्याय शोधण्याचा प्रयत्न केला.विशेष म्हणजे सदर शौचालय हे कुठल्या 'सुविधांचे' एवढे 10 रु मोजत होते हे अनाकलनीय होय.घाणीचे साम्राज्य पाहून आलेली शौच परत जावी अशी परिस्थिती होय,दारांना कडी नाही (कुणी येऊ नये म्हणुन गाणी गावी लागतात),साबण लपवून ठेवलेला असतो,महिला आणि पुरुष साठी एकच 'पुरुष' व्यक्ती पैसे गोळा करतो (आत मध्ये) त्या मुळे महिला भगिनी यांना लज्जा उत्पन्न होते.

धरणगाव ही सर्व प्रकारच्या गुलाबांची बाग आहे,गुलाबराव पाटील,गुलाबराव देवकर,गुलाबराव वाघ,गुलाबराव महाजन,गुलाबराव माळी,गुलाब तडवी,गुलाब पिजारी,असे अनेक गुलाब दरवळत असताना 'जुलाब' झालेल्या काही नागरिकांना विशेषतः बस प्रवास करणाऱ्याना धरनगावतील हे शौचालय भलतंच 'महाग' झालंय,प्रश्न उपस्थित होत आहे की आता गरिब माणसाने शौचालाही जायचे की नाही? सहन होत नाही,सांगता येत नाही,आणि दाखवता बिलकुल येत नाही....